Brazil, një komision i Senatit voton për shkarkimin e Dilma Rousseff

Një komision special i Senatit brazilian votoi sot në Brazilia në favor të shkarkimit të presidentes së majtë të pezullur, Dilma Rousseff, një ditë para hapjes së Lojërave Olimpike të Rio de Janeiro.

“Rezultati ishte 14 vota kundër pesë në favor të shkarkimit”, deklaroi senatori Raimundo Lira, që drejton punimet e këtij komisioni dhe është një përkrahës i presidentit të përkohshëm, Michel Temer,  i cili ka zëvendësuar Rousseff në pritje të një gjykimi përfundimtar në fund të gushtit që mund t’i japë fund mandatit të dytë të saj.