Brenda burgut në Norvegji me 5 yje (FOTO LAJM)

Rrjeti televiziv “CNN” ka realizuar një reportazh në një burg të Norvegjisë, i cili nuk duket aspak si shumica e burgjeve në SHBA, apo vende të tjera. Sistemi i burgjeve në Norvegji është projektuar mbi bazën e tri vlerave: normalitetin, njerëzimin dhe rehabilitimin.

“Ne hamë darkë me të burgosurit së bashku dhe për ta është normale, ndërsa për ne është mënyra e të punuarit me ta. Unë flas me ta rreth jetës, unë flas me ta për jetën time. Unë nuk mendoj për atë që ata kanë bërë, është e kaluar. Detyra ime është të shikoj në të ardhmen dhe t’i ndihmoj ata për të ardhmen”, tha një zyrtar i burgut.

Në SHBA, burgu shihet përgjithësisht si ndëshkim për krimet e kryera. Por Norvegjia mund ta ndryshojë këtë. Në vitin 2015, drejtorët e burgut dhe ligjvënësit nga Dakota e Veriut udhëtuan për të parë burgjet.

Udhëtimi ishte pjesë e një programi që merr zyrtarët e shtetit për të vizituar vendin. Kur liderët u kthyen, Dakota e Veriut ngadalë filloi të bënte ndryshime në sistemin e saj të burgjeve.