Brexit, çrregullim i rrallë psikik

Brexit-i prej vitesh po shkakton edhe probleme shëndetësore. Një burrë në Britaninë e Madhe është diagostikuar me një çrregullim psikik që besohet se është edhe rasti i parë i shkaktuar nga referendumi i Brexit-it. Pacienti rreth të 30-ave, u dërgua në spital tre javë pasi Britania e Madhe votoi për të dalë nga BE-ja në 2016-n dhe mësohet se kishte përjetuar zhgënjim paranojal, referues dhe të çuditshëm.

Më vonë, ishte shtruar në një repart psikiatrik, ku i kishte thënë njerëzve se i vinte turp që ishte britanik. Pacienti që kishte përjetuar një eksperiencë të ngjashme por jo njësoj agresive 13 vite më parë në lidhje me stresin e shkaktuar nga puna, u diagnostikua me çrregullime psikike akute të përkohshme ATPD dhe qëndroi për dy javë në repartin psikiatrik, ku edhe u qetësua.

Mjekët thanë se ndërsa burri në fjalë ishte rasti i parë i ATPD-së së shkaktuar nga Brexit-i, kishte patur edhe më herët një rast të ngjashëm të një episodi të shkurtër psiqik, shkaktuar nga stresi i zgjedhjeve presidenciale në Shtetet e Bashkuara të Amerikës.