Brexit tërheq milionerin , investon 65 milion paund në qendër të Londrës

Fitorja e Boris Johnson ka tërhequr multi-milionerin nga Hong Kong i cili ka investuar plot 65 milion paund për një dupleks në Belgravia qendër të Londrës . Fillimisht investitori  e anulloi marrëveshjen për të shmangur taksat e Jeremy Corbyn por me sa duket fitorja e konservatorëve ishte fiks ajo që i duhej .

Dupleksi me madhësi rekord ka 6 dhoma të shtrira në 9-800m katror në zemër të Londrës vetëm një gur larg pallatit të Buckingham.Ky investim është vlerësuar si më i madhi në tregun e pasurive të paluajtshme të kryer në Mbretërinë e Bashkuar. Deri tani ka sjelle plot 10 milion paund përfitim në Stamp Duty, shkruan Daily Mail.

Investitori misterioz, përshkruar vetëm si një biznesmen në të 30-at , me sa duket ka pasur “frikë” nga taksat e mundshme të Jeremy Corbyn dhe ka iniciuar investimin gjigand fill pas fitores së Boris.