Britania mund të mos dalë fare nga Bashkimi Europian

Kryeministrja Theresa May, ka thënë se Britania e Madhe “mund të mos largohet kurrë” nga BE nëse deputetët e kundërshtojnë marrëveshjen e saj të Brexit në parlament javën e ardhshme.

“Mbase as nuk do ta lemë BE-në fare. E vetmja gjë e sigurtë është pasiguria” u shpreh ajo, raporton euronews. May ka kërkuar mbështetje e deputetëve britanikë për marrëveshjen e saj të Brexit.

“Mbështeteni dhe Britania do të lerë Bashkimin Europian. Refuzojeni dhe askush nuk e di se çfarë mund të ndodhë”, deklaroi ajo në një fjalim në Grimsby.