Një çift italian që kishin qenë bashkë prej më shumë se 50 vjetësh kanë vdekur nga koronavirusi i ri vetëm dy orë larg njëri-tjetrit
Severa Belotti, 82 vjeçe, e Luigi Carrara, 86, kaluan ditët e fundit të jetës së tyre të vetizoluar në qytetin e tyre Albino, në provincën veriore të Bergamo.
Djali i tyre Luca Carrara, thotë se ata ishin vetë-izoluar në shtëpinë e tyre prej tetë ditësh pa marrë ndihmë mjekësore dhe kishin temperaturë 30 gradë celsius.
I biri i lënduar nga dhimbja tha për Corriere della Sera se babai Luigi, i cili ishte murator para se të dilte në pension, ishte shtruar në spital të shtunën në Bergamo ndërsa nëna e tij Severa, u shtrua një ditë më vonë.
Luca ishte i zemëruar pasi nuk arriti t’i shihte.
“Ata vdiqën vetëm, kështu funksionon ky virus, nuk mund të thuash as lamtumirë, as t’i përqafosh dhe as t’i ngushëllosh”.
Edhe Luca, i cili punon në kompaninë e ujësjellësit Uniacque në Bergamo, është në karantinë në shtëpi me gruan e fëmijës.