Cottarelli nuk siguron mbështetje nga partitë politike, Italia mund të shkojë në zgjedhje të reja

Kryeministri teknik në Itali, Carlo Cottarelli, është takuar me presidentin Sergio Matarella pas raportimeve se mund të shpallen zgjedhjet të reja si pasojë e krizës politike. Mediat kanë raportuar se ish-ekonomisti i Fondit Monetar Ndërkombëtar, Cottarelli, ka dështuar në sigurimin e mbështetjes nga partitë e mëdha politike dhe ka mundësi që as nuk do të tentojë të marrë postin e kryeministrit.

Presidenti Italian, Sergio Mattarella mund të heqë dorë nga emërimi dhe të kërkojë mbajtjen e zgjedhjeve të reja në muajin korrik.

Ditën e diel, dy partitë populiste italiane kanë dështuar në formimin e kabinetit qeveritar.

Ideja e mbajtjes së zgjedhjeve të reja dhe fuqizimi i partive populiste euroskeptike ka dëmtuar tregjet financiare, dhe ka rritur shqetësimet për ruajtjen e stabilitetit në Eurozonë.