Covid-19, është 100 herë më vdekjeprurës për të moshuarit

Shifrat e fundit të koronavirusit në Britaninë e Madhe, tregojnë se Covid-19 është 100 herë më shumë fatal për të moshuarit se të rinjtë. Mediat shkruajnë se të paktën 20 persona në Angli nën moshën 40-vjeçare, kanë humbur jetën për shkak të koronavirusit në spitale që prej Gushtit.

Vetëm 1 person nën moshën 20-vjeçare ka humbur jetën që prej Shtatorit atje. Ndërkohë sa i përket të moshuarve shifrat janë shumë më të larta, 1425 viktima nën moshën 80-vjeçare dhe 1093 viktima mes moshës 60-79-vjeç.

“Në tërësi nuk është një sëmundje për të rinjtë”, është shprehur profesoresha Karol Sikora. Statisticieni David Spegelhalter tha se mosha është një faktor shumë i rëndësishëm në lidhje me vdekjet nga Covid. Ai tha se të rinjtë kanë shumë mundësi të infektohen me Covid dhe të mos shtrohen në spitale apo të mos mbesin viktima.