Covid-19, hapen burgjet në të gjithë Europën

Mbylla e kufijve dhe fluturimeve ajrore për shkak të Covid-19, ka bërë që burgjet në vende të Europës të hapen dhe të lirojnë të dënuarit. Situata shqetësuese e pandemisë Covid-19 në Itali ka detyruar qeverinë italiane të aprovojë masa parandaluese dhe për sistemin e burgjeve. Në dekretin e fundit të aprovuar nga qeveria Konte është përfshirë dhe një normativë e re ligjore për të evituar përhapjes e pandemisë dhe në qëndrat e vuajtjes së dënimit.

Nga kjo normativë përjashtohen të burgosurit për krime të rënda, ata me krime të shumpërsëritura si dhe të burgosurit që gjatë ditëve të fundit u përfshinë në revoltat në burgje. Kjo normativë e re ligjore është e vlefshme deri më datë 30 qershor 2020.

Vendimi i qeverisë italiane për të ndërprerë takimet mes të burgosurve dhe familjarëve deri më 31 maj 2020 si dhe pasiguria në burgje për rrezikun e infektimit nga koronavirusi, çoi ditë më parë në protesta të forta në shumë burgje italiane. Protestat shkaktuan 12 viktima dhe 40 të plagosur mes të ciëlve dhe mjaft punonjës burgjesh.