Covid-19, tjetër rekord rastesh ditore në botë. 37 milion të prekur

Nuk ulen shifrat e larta, ku vijon prej 3 ditësh të shënohet rekord rastesh ditore në botë si pasojë e pandemisë së Covid-19. Organizata Botërore e Shëndetësisë njoftoi se të shtunën u regjistruan 383 mijë raste të reja me koronavirus ose e thënë ndryshe 7.9% më shumë se një ditë më parë. Tashmë pandemia ka marrë një vrull të ri me ardhjen e vjeshtës dhe për këtë arsye shumë vende kanë nisur të aplikojnë masa të reja për të parandaluar përhapjen e mëtejshme të saj. Sipas universitetit Johns Hopkins, tashmë në botë raportohen më shumë se 37 milionë të infektuar.