Dhjetëra emigrantë vdesin në Mesdhe

Dhjetëra emigrantë janë mbytur në Mesdhe, bën të ditur organizata Save The Children.

Barka e tyre u mbyt në jug të Sicilisë.

Të mbijetuarit thanë se shumë njerëz ranë në ujë kur një mjet shpëtimi po afrohej.

Raportimet nuk janë të sakta, ndërsa mendohet se janë 40 viktima.

Të paktën 1750 persona kanë vdekur këtë vit duke tentuar të kalojnë Mesdheun, një 20-fishim në krahasim me të njëjtën periudhë të vitit 2014.