E pabesueshme, por e vërtetë. Fiton zgjedhjet, por kandidati vritet gjatë procesit

Populli e votoi për kryetar bashkie, por Omar Menéndez, 41-vjeç, një ditë pasi fitoi zgjedhjet në Ekuador u qëllua për vdekje. Në sulm u vra edhe një adoleshent. Policia po heton ende për motivin e mundshëm të kësaj ngjarjeje.

Menéndez nuk ishte i vetmi politikan që u vra në prag të zgjedhjeve. Dy javë më parë, u qëllua për vdekje edhe kandidati për kryetar bashkie i qytetit bregdetar të Salinas, Julio César Farachio.

Numri i vrasjeve në Ekuador është rritur në mënyrë të dukshme me praninë e shtuar të bandave të trafikut të drogës që veprojnë në këtë shtet.