Edhe Italia, pas Belgjikës, ua ndalon hyrjen qytetarëve të Maqedonisë

Dje Belgjika, ndërkaq nga sot edhe Italia ndalon hyrjen në territorin e saj për 13 vende. Në mesin e tyre edhe Maqedonia e Veriut.

Në listën e vendeve të ndaluara janë: Armenia, Bahreini, Banglladeshi, Brazili, B&H, Kili, Kuvajti, Maqedonia e Veriut, Moldavia, Omani, Panama, Peru dhe Republika Dominikane.

Udhëtarët nga të gjitha vendet tjera jashtë BE-së dhe Shengenit mund të hyjnë në Itali, por pas testimit duhet të kalojnë 14 ditë në karantinë.

“Pandemia është në fazën më të ashpër në të gjithë botën”, tha Roberto Speranca- ministër i Shëndetësisë.