Eksperti i gjarpërinjve vritet nga kobra ndërsa përpiqej ta puthte

Një ekspert gjarpërinjsh, që pretendonte se ishte imun nga helmi i tyre, humbi jetën pasi u kafshua nga një kobra, ndërsa përpiqej ta puthte atë.

62-vjeçari, Bernardo Alvarez, u vra nga helmi i një kobre në Filipine, ndërsa fqinjët e tmerruar e panë të gjithë ngjarjen.

Alvarez po jepte shfaqje për kalimtarët, ndërsa tregonte se e kishte “zbutur” zvarranikun, por kur u zgjat drejt tij për ta puthur, gjarpri e kafshoi në gjuhë.

Të pranishmit u përpoqën ta ndihmonin, por ishte e kotë. 62-vjeçari ndërroi jetë pa mundur të shkonte në spital.