Falja e parë pas 87 vjetësh e Fitër Bajramit në Shën Sofi, thirrje në mbështetje të Palestinës

Pas 87 vitesh, u mbajt këtë mëngjes në Shën Sofia në Stamboll, falja e parë në fund të muajit të  Ramazanit. Nga një muze, Shën Sofia u shndërrua në një xhami në 24 korrik të vitit të kaluar.

Qindra besimtarë u mblodhën në sheshin përpara, në zonën historike të Sulltanahmetit, në pjesën më të madhe  jashtë për të siguruar distancimin dhe për të respektuar masat anti-Covid, ndërsa një numër i kufizuar u pranuan brenda ndërtesës.

Lutja drejtohej nga kreu i Presidencës për Çështjet Fetare (Diyanet), Ali Erbas, autoriteti më i lartë sunit në Turqi. Menjëherë më pas, besimtarët brohorisnin disa parulla kundër Izraelit dhe në mbështetje të çështjes palestineze.

Për gati një mijëvjeçar, një bazilikë e krishterë, Hagia Sophia u shndërrua në një vend adhurimi islamik me pushtimin osman të Konstandinopojës në 1453. Verën e kaluar, Këshilli Shtetëror i Ankarasë anuloi dekretin e vitit 1934 me të cilin Presidenti i atëhershëm turk, Mustafa Kemal Ataturk, vendosi të transformonte e shndërrojnë atë në një muze për ta çliruar nga pretendime të ndryshme fetare dhe “t’ia dhurojnë njerëzimit”.