Franca kundër Gjermanisë për gazsjellësin ”Nord Stream 2”

Franca ka në plan të mbështesë një propozim të BE për të rregulluar tubacionin e Rusisë, Nord Stream 2, tha të enjten Ministria e saj e Jashtme, duke kërcënuar potencialisht përfundimin e saj dhe duke i dhënë një goditje Gjermanisë, e cila po përpiqet të mbledhë mbështetje për projektin.

Ekzekutivi i Bashkimit Europian dëshiron të zgjerojë ligjet e saj të brendshme të tregut të energjisë në tubacionet e gazit në det të hapur, para se të përfundojë ndërtimi, duke shpjeguar edhe mënyrën se si përdoret lidhja e re e gazit nën Detin Baltik, nga Rusia në Gjermani. Në formën e tanishme, Nord Stream 2, në pronësi të plotë të firmës shtetërore ruse të energjisë Gazprom, nuk do të ishte në përputhje me rregullat më të ashpra të parashikuara për projektet e reja të infrastrukturës.

Burime diplomatike thanë më parë se Gjermania po bënte presion ndaj kryeqyteteve të tjera evropiane për të bllokuar direktivën e re. ”Franca synon të mbështesë miratimin e një direktive të tillë. Puna po vazhdon me partnerët tanë, veçanërisht me Gjermaninë, për ndryshimet e mundshme në tekst”,-tha zëdhënësja e ministrisë së jashtme franceze, Agnes von der Muhll në një konferencë.

Blloku i BE-së është i ndarë në mbështetjen e tij për projektin. Vendet e Europës Lindore, Nordike dhe Balltikut i druhen faktit se tubacionin prej 1,225 km (760 milje), do ta bëjë BE-në peng të Moskës, ndërsa ato në Evropën veriore, veçanërisht Gjermania, i japin përparësi përfitimeve ekonomike.