Jose Manuel Vidal, një anëtar spanjoll i Vatikanit dhe drejtor i “Religion Digital”, ka treguar veçoritë e varrimit të Papa Benediktit i cili vdiq si papë, por jo si kreu i Vatikanit.
Papa Benedikti u tërhoq më 11 shkurt 2013, Papa i parë që e bëri këtë në 600 vjet. Kisha Katolike ndjek një protokoll të rreptë sa herë që një papë vdes, duke çuar në konklavën, mbledhjen e kardinalëve në Kapelën Sistine për të caktuar pasardhësin e tij.
Funerali i fundit i një pape ishte ai i Gjon Palit II, më 2 prill 2005. Ai mblodhi së bashku rreth 300 mijë njerëz rreth Sheshit të Shën Pjetrit. Vidal thotë se imazhe të ngjashme mund të presim në lamtumirën e Benediktit XVI.
Më shumë se 60 mijë pelegrinë i janë afruar tashmë Bazilikës së Shën Pjetrit ku ndodhet trupi i Benediktit. “Nuk është një funeral shtetëror, sepse Papa që ka vdekur nuk është papa në fuqi dhe për këtë arsye nuk mund të jetë një funeral shtetëror”,-thotë Vidal.
Faktori i dytë dallues është se një tjetër papë, Françesku, Papa në fuqi me të cilin Benedikti ndau titullin për dekadën e fundit të papatit të tij në pension, do të kryesojë funeralin për herë të parë në histori. Zyrtarisht janë ftuar vetëm delegacionet italiane dhe gjermane.