GJERMANI – Incident në Bundestag gjatë përkujtimit të rënies së Murit të Berlinit

Me kitarë në dorë, Wolf Biermann, i njohur për humbjen e nënshtetësisë së ish-Republikës Demokratike Gjermane në vitin 1976, mori fjalën duke sulmuar me tone të ashpra partisë e së majtës radikale, duke e konsideruar atë si ”një mbeturinë mizerabël të gjithçkaje që për fat ishte tejkaluar”.

Këto fjalë nuk i pëlqyen kryetarit të parlamentit, Norbert Lammert, i cili iu kundërpërgjigj Biermannit se “fjalën mund ta marrësh vetëm kur të zgjidhesh në parlament”.

“Këtu jeni vetëm për të kënduar”, theksoi Lammert. “Unë nuk e kam humbur zakonin për të folur as në Republikën Demokratike Gjermane dhe sigurisht që nuk do ta bëj as këtu”, ishte përgjigjja e menjëhershme e Biermannit.

Më pas, Biermann këndoi një këngë të repertorit të tij si disident me titull ”Ermutigung” (”Nxitje”).