Gjermania ka pak viktima dhe kjo falë infermierëve

Pandemia e Covid-19 ka prekur botën. Gjermania ka shumë më shumë të prekur se Franca, përkatësisht më shumë se 50,000 të infektuar krahasuar me 33,402 të Francës, mirëpo numri i vdekjeve është i ndryshëm. Në Gjermani kanë ndërruar jetë 321 persona, ndërkohë që në Francë 1,997. Situata paraqitet kritike edhe në Iran, ku nga 32,332 të infektuar, 2,378 kanë ndërruar jetë.

Ekspertët e shëndetit po përpiqen të analizojnë se çfarë ka bërë ndryshe Gjermania dhe ku qëndron suksesi i përballjes me Covid-19. Sigurisht që disa janë të mendimit se Gjermania është ende në fazën ku kanë qenë shtetet e tjera më parë, mirëpo të tjerë ekspertë (via CNN) thonë se sistemi mjekësor është një pikë kyçe në këtë pandemi. Ata u referohen infermierëve. Politika e Gjermanisë për të rekrutuar sa më shumë mjekë dhe infermierë, mes tyre edhe shumë shqiptarë, është e njohur tashmë.

Masat parandaluese, strukturat mbrojtëse, shtretërit dhe spitalet nuk kanë ndonjë ndryshim shumë të madh me vende të tjera të zhvilluara. Numri i infermierëve në krahasim me popullatën e përgjithshme. Gjermania ka 13.2 infermierë për 1,000 banorë dhe është shifra më e lartë në të gjitha vendet e prekura nga koronavirusi.