Gjobitet 500 dollarë për një mollë që linja ajrore ia ofroi falas në avion

Një grua thotë se po përballet me gjobën 500 dollarëshe nga Agjesia e Klientit në Amerikë, për një mollë që iu gjet në çantë, të cilën e kishte marrë nga linja ajrore gjatë udhëtimit.

Crystal Tadlock, e cila udhëtonte nga Amerika në Paris, tha se e ruajti mollën për ta ngrënë në udhëtimin tjetër që kishte për në Denver.

Por molla “u zbulua” gjatë kontrollit nga policët kufitarë amerikanë, gjatë udhëtimit tranzit, kur avioni u ul në Minneapolis.

Doganat amerikane dhe patrulla e kufirit nuk komentojnë lidhur me ngjarjen, por thonë  vetëm se: të gjitha produktet e agrikulturës duhet të deklarohen.

Molla ruhej në një qese plastike të linjës ajrore Delta Air Lines.

Kur molla u zbulua, Tadlock i tha oficerit të sigurisë se e kishte marrë mollën nga linja ajrore dhe më pas kishte pyetur nëse mund ta hante apo duhet ta hidhte.

Megjithatë, oficeri i vuri gjobën prej 500  dollarësh.

Tani është radha e Tadlock nëse do ta paguajë gjobën, apo do ta dërgojë çështjen në gjyq.

Ajo i tha punonjësit të sigurisë në Denver se do ta çonte çështjen në gjykatë.

“Është vërtet fatkeqësi që të ndodhë diçka e tillë dhe të trajtohesh si një kriminel vetëm për një frut”-ka thënë Tadlock.

Një zëdhënës i Delta Air Lines refuzoi të komentonte më gjerë mbi incidentin, gjithsesi bëri një deklaratë duke thënë “Ne inkurajojmë klientët tanë të ndjekin me kujdes protokollet konsumatorëve dhe mbrojtjes së kufirit”.