Gratë në Spanjë në grevë njëditorëshe për “8 mars”, anulohen trenat

Shumë shërbime të trenave në Spanjë janë anuluar, pasi punëtorët kanë hyrë në grevë për të nxjerrë në pah pabarazitë gjinore në Ditën Ndërkombëtare të Gruas.

Treqind trena nuk do të operojnë gjatë ditës së sotme, ka bërë të ditur Ministria e Transportit e Spanjës.

Greva 24-orëshe, e thirrur nga dhjetë sindikata, ka qenë temë e shumë debateve.

Grupet feministe po ashtu kanë kërkuar nga gratë të mos shpenzojnë para sot dhe të mos i bëjnë punët e shtëpisë. Por, disa kanë dalë kundër grevës.

Partia në pushtet Partido Popular ka thënë se aksioni është për “elitat feministe dhe jo për gratë me probleme të përditshme”.

Aktorja spanjolle, Penelope Cruz, ka anuluar ngjarjet e planifikuara publike dhe do të hyjë në grevë.