Një 25-vjeçare e cila transportonte 14 kg heroinë është arrestuar nga policia greke pas një ndjekje me makinë.
Mediat greke shkruajnë se e gjithë ngjarja dukej si një set xhirimesh të filmave të Hollywood-it pas ndjekjes me makina nga policia.
Sipas autoriteteve greke, 25-vjeçarja i përkiste një grupi të strukturuar kriminal me aktivitet në fushën e narkotikëve. Ajo u pikas nga policia në rrugën Monastiriou, në Selanik nga ku filloi dhe ndjekja me makinë.
Pas disa manovrash nga e reja nëpër kthesat e qytetit, në një pikë ajo hodhi nga dritarja e makinës një qese dhe një jastëk lecke brenda së cilës ishin 25 pako me 14.5 kg heroinë.
Disa minuta më vonë, ajo ndaloi makinën përpara Prokurorisë së Përgjithshme, doli nga makina dhe filloi të konfliktohej me oficerët e policisë që po e ndiqnin.
