Greqia hap kufijtë për turistët, s’ka më karantinë. Ka vetëm një kusht

Greqia ka vendosur të hapë kufijtë për turistët, pas një kohe të gjatë të qëndrimit mbyllur. Nga e hëna, 19 prill, vizitorët nga BE-ja, SHBA-ja, Britania, Serbia, Izraeli dhe Emiratet e Bashkuara Arabe nuk do të kenë karantinë të detyruar.

Mësohet se udhëtarët nga këto vende do të tregojnë certifikatën e vaksinimit kundër Covid-19 ose test molekular negativ PCR të 72-orëve të fundit. Nga ana tjetër, do të duhet që të përshtaten me kushtet e lock-down të zonës përkatëse, ku do ata do të vendosen.

Fluturimet për pasagjerët që nuk detyrohen me karantinë 7-ditore, do të lejohen drejt aeroporteve të Athinës, Selanikut, Iraklio, Chania, Rodhos, Kos, Mikonos, Santorini, Korfuz dhe dy pika kufitare tokësore.