Grushta në parlamentin turk (FOTO)

Për të dytën herë këtë javë parlamenti turk është përfshirë nga një sherr masiv ndërmjet deputetëve të partisë në pushtet dhe atyre në opozitë.

Natën e shkuar, mes ligjvënësve janë shkëmbyer grushta për rreth 10 minuta me rradhë, ndërkohë që debatet kishte më shumë se 3 orë që vijonte në parlament. Disa deputetë kanë pësuar lëndime të lehta.

Qeveria e kryeministrit Davutoglu ka paraqitur një projekt – ligj që shton kompetencat e policisë, kompetenca më të mëdha gjatë kontrolleve dhe arrestimeve.

Sipas partive të opozitës këto ndryshime shkelin hapur të drejtat kushtetuese, por edhe një sërë ligjesh të tjera që garantojnë të drejtat e qytetarëve.

E njëjta çëshje shërbeu edhe më 17 shkurt në mbrëmje për një tjetër përleshje mes deputetëve turq. 5 prej tyre u lënduan, 2 prej të cilëve përfunduan madje në spital.

Në këtë rast, ata madje kanë goditur njëri – tjetrin me karrige dhe me çekiçin e drunjtë e këmbanën që përdor kreu i parlamentit.