Guvernatori i Nju Jorkut: Jemi të gjithë në karantinë, qëndroni në shtëpi

Guvernatori i Nju Jorkut Andrew Cuomo njoftoi ditën e sotme se të gjithë të punësuarit tashmë duhet të qendrojnë në shtëpi , duke e quajtur atë masën më drastike që mund të merrtte pasi ai tha se i gjithë shteti i Nju Jork është i izoluar.

“Kjo nuk është jeta si zakonisht. Pranojeni atë, realizojeni atë, dhe merreni me të,” tha Cuomo. Ai u kërkoi qytetarëve të qëndronin në banesat e tyre për të mbrojtur shëndetin fizik dhe mendor.

”Ne jemi të gjithë në karantinë’, tha ai.

Që nga e premtja në mëngjes, rastet me COVID-19 të shtetit të Nju Jorkut kishin tejkaluar shifrat 7,100, duke përbërë gati gjysmën e të gjitha rasteve të konfirmuara në vend deri më tani.

Në total në SHBA janë shënuar 223 viktima dhe 16,489 të infektuar.