Hakmarrja e mbretit: Do të vras çdo njeri që shoh atje

Mbreti i Jordanisë, Abdullah, një pilot i trajnuar, mund të udhëheqë sulmet ajrore ndaj Shtetit Islamik, si hakmarrje ndaj vrasjes barbare të një piloti jordanez.

Monarku thuhet se mund të marrë pjesë vetë në bombardime, raportojnë disa media arabe.

Këto raportime vijnë pasi ish- gjenerali u tha anëtarëve të Kongresit se ishte i gatshëm për një hakmarrje të ashpër ndaj ISIS.

Madje ai citoi edhe një personazh nga një film i Clint Eastwood për të ilustruar idenë e tij.

Mbreti citoi pikërisht skenën kur personazhi i Eastwood tregon planet e tij për hakmarrje.

Bëhet fjalë për filmin “Unforgiven”.

“Do të vras çdo njeri që shoh atje”.

“Çdo bir kurve që më qëllon, unë jo vetëm do e vras atë, por do i vras gruan, miqtë dhe do ia djeg shtëpinë”.