Hezbollah për armëpushimin me Izraelin: Jemi vigjilentë ndaj pabesisë së armikut

Hezbollah ka vlerësuar performancën e forcave të tij dhe ka premtuar vigjilencë gjatë armëpushimit.

Grupi njoftoi të premten se luftëtarët e tij u paraqitën mirë gjatë 45 ditëve të luftës me Izraelin.

Në një deklaratë, Hezbollah tha se duart e tij “do të mbeten në këmbëz, vigjilentë ndaj tradhtisë dhe pabesisë së armikut” gjatë armëpushimit 10-ditor që nisi të premten.

Sipas tij, gjatë luftës ka kryer 2,184 sulme, përfshirë goditje me dronë dhe raketa ndaj Izraelit, si dhe sulme kundër forcave izraelite brenda jugut të Libanit.