Huliganët e arrestuar, Presidenti kroat kritika Greqisë: U shpërndanë nëpër burgje për t’u përdh*nuar

Një tifoz i AEK-ut u masakrua për vdekje në Athinë nga grupi i huliganëve “Bad Blue Boys”, që mbështesin Dinamon e Zagrebit, dhe tashmë raportet greko-kroate nuk duken aspak të ngrohta.

Presidenti kroat Zoran Milanoviç, ka shpërthyer në kritika pas arrestimit nga autoritetet greke të mbi 101 tifozëve kroatë. Në reagimin e fundit, ai thotë se autoritetet greke po i trajtojnë tifozët e Dinamo Zagrebit sikur të ishin robër lufte.

“Ligji nuk respektohet. Ata i trajtojnë këta njerëz si robër lufte. Po të isha kryeministër do të mendoja se çfarë mund të bëja. Nuk është e thjeshtë. Duket si ligji i luftës. Ata trajtohen si një njësi e robëruar”, theksoi Milanovic.

Sipas tij ky qëndrim nuk ka të bëjë fare me ligjin, demokracinë dhe respektimin e të drejtave të njeriut. “U shpërndanë nëpër burgje për t’u rrahur e përdhunuar”, është shprehur më tej Presidenti kroat. Ai ka nënvizuar edhe se UEFA dhe Bashkimi Europian duhet të marrin masa për mënyrën si po vepron Greqia me tifozët kroatë.