Humbi zgjedhjet, por Donald Trump mund të humbasë dhe gruan

Momenti i Melania Trump kur shpërtheu në lot në vitin 2016, kur bashkëshorti i saj u zgjodh president, është i famshëm. Madje një prej miqve të saj që tregonte se ”Ajo nuk e priste që Donald të fitonte”. Zonja e parë e SHBA-së, qëndroi më shumë se 5 muaj për t’u zhvendosur nga Nju Jorku në Uashington me justifikimin se djali i tyre Barron duhet të përfundonte vitin shkollor.

Ish-ndihmësja Stephanie Wolkoff, tregon se Melania po negocionte një marrëveshje post-martesore për t’i krijuar mundësinë Barron që të përfitonte një pjesë nga pasuria e Trump. Wolkoff gjithashtu shprehet se Melania dhe Donald qëndronin në dhoma të ndara në Shtëpinë e Bardhë.

Një tjetër ndihmëse, Omarosa Manigault Newman shprehet se martesa 15 vjeçare mes çiftit kishte mbërritur në fund të saj dhe se Melania ishte duke numëruar çdo minutë që të divorcohej pasi ai të largohej nga detyra. “Nëse Melania do të përpiqej ta linte ndërsa ai ishte ne detyre, Donald do ta gjente një mënyrë për ta ndëshkuar atë”, shkruan Newman.