Hungarezët festojnë fundin e epokës së Viktor Orban!

Një klimë entuziazmi mbizotëron në Budapest, ku mijëra qytetarë dolën në rrugë për të festuar fundin e dominimit politik të Viktor Orban, pas rezultateve të zgjedhjeve.

Festimet shpërthyen menjëherë pas konfirmimit të fitores së Peter Magyar, me njerëz që u mblodhën në pjesët qendrore të qytetit, duke mbajtur flamuj dhe duke thirrur slogane për ndryshim dhe ripërtëritje demokratike.

Gjatë tubimit të fitores së udhëheqësit të Tiszës, Peter Magyar, një pjesë e madhe e mbështetësve të tij shpërtheu në slogane anti-ruse, duke brohoritur “Rusë, largohuni” dhe “Rusë, shkoni në shtëpi”.

Thirrjet pasqyrojnë pakënaqësinë e një pjese të shoqërisë hungareze me marrëdhëniet e ngushta të qeverisë së mëparshme me Moskën.

Në të njëjtën kohë, mbështetësit e Orban shpërthyen në lot pasi u shpallën rezultatet.