Iran – Zarif: Negociatat për programin bërthamor po progresojnë

Negociatat për arritjen e një marrëveshjeje për programin bërthamor mes Iranit dhe fuqive të mëdha po progresojnë, por mbetet ende shumë punë, konfirmoi sot në Lozanë ministri iranian i Punëve të Jashtme, Mohammad Javad Zarif.

“Ne kemi avancuar shumë, por mbetet akoma shumë punë për të bërë”, theksoi ai, cituar nga agjencia iranine e lajmeve ”Irna” pas një takimi me homologun e tij, John Kerry, në ditën e katërt te bisedimeve dypalëshe në Zvicër.

Të dy palët kanë hyrë ne fazën e fundit të negociatave, ku është i nevojshëm një diskutim shumë intensiv dhe bisedimet janë shumë të vështira”, theksoi ministri. “Për mendimin tim kjo është një shenjë e mirë”, nënvizoi ai duke shtuar se kjo tregon se ne po arrijmë diçka.