ISIS ekzekuton 15 civilë në Falluxha të Irakut

Raportohet se 15 persona në Falluxha të Irakut janë vrarë nga militantët e ISIL.

Sipas informacioneve të marra nga burimet e policisë mësohet se 15 persona të fisit El-Xhumejle në vendbanimin El-Kerme të Falluxhas kanë humbur jetën si pasojë e ekzekutimit nga ISIL me pretendimin se kanë ndihmuar forcat e qeverisë. Familjarëve të të vrarëve për arsyen se kanë ndihmuar me informacion dhe mbështetje forcat e sigurisë, ISIL iu ka ndaluar që të zhvillojnë pritjet për ngushëllime.

– Janë zmbrapsur sulmet e ISIL

Në anën tjetër shefi i policisë së Enbarit, Kazim el-Fehdavi në një deklaratë për gazetarin e AA tha se prej militantëve të organizatës ISIL të cilët sulmuan qendrën e qytetit Ramadi kanë vrarë 10 prej tyre. Fehdavi i cili thekson se sulmet e ISIL janë zmbrapsur nga forcat e sigurisë tha se: "Në konfliktin i cili zgjati për mëse 5 orë, u vranë 10 militantë dhe u asgjësuan një numër i madh i mjeteve të tyre. Gjithashtu gjatë konflikteve është plagosur edhe një person nga forcat e sigurisë. Në Irak vazhdojnë konfliktet që pas pushtimit nga ISIL të Mosulit dhe pas marrjes nën kontroll të disa rajoneve të tjera më 10 qershor 2014.