ISIS pret kokat e 8 personave dhe i kryqëzon, pasi i mashtroi se do i falte po të dorëzoheshin

Organizata Observatori Sirian për të Drejtat e Njeriut thotë se ata u kanë prerë kokën tetë personave ditën e sotme.

Sipas kësaj organizate, viktimat, të gjithë meshkuj, janë ekzekutuar me prerje koke dhe trupat e tyre i kanë varur në kryqe të improvizuara në Albu Kamal, vend sirian i cili gjendet në kufi me Irakun.

“Burrat janë dorëzuar vetë në Albu Kamal, për shkak se Shteti Islamik u ka ofruar amnisti atyre që kanë luftuar kundër tyre, por me kusht që të dorëzohen vetë”, ka bërë të ditur për AFP drejtori i Observatorit, Abdel Rahman.

Por, në vend të faljes, atyre u është prerë koka.

Viktimat kishin luftuar kundër pushtetit sirian, por dhe ISIS.