Itali, ndalohet kamioni që transportonte pajisje mjekësore drejt Greqisë kundër vendimit të qeverisë

Autoritetet italiane të Policisë Financiare kanë sekuestruar një kamion në portin e Ankonës i cili po transportonte aparatura e instrumente mjekësore për repartet e terapisë intesive.

Ato po niseshin drejt Greqisë në kundërshtim me vendimin e marrë nga qeveria italiane më 25 shkurt 2020 i cili ndalon transportimin jashtë territorit kombëtar të materilave shëndetësore të mbrojtjes individuale e të atyre për kurimin e pacientëve me patologji të sëmundjeve të frymëmarrjes.

Janë sekuestruar 1840 isnstrumente mjekësorë të përdorura në terapitë e frymëmarrjes për të rritur e fëmijë. si dhe për repartet e reanimacionit.

Këto aparatura po transportoheshin për llogari të një kompanie italiane me bazë në provincën e Milanos e cila ia ka shitur një kompanie greke.

Materialet shëndetësore janë sekuestruar ndërsa kompania italiane është denocnuar nga autoritetet.