Izraeli i vendosur: Asnjë shtet palestinez pranë lumit Jordan

Kryeministri izraelit, Benjamin Netanyahu, konfirmoi qëndrimin e Izraelit për të kundërshtuar njohjen e një shteti palestinez në çdo territor në perëndim të lumit Jordan, gjatë një mbledhjeje të qeverisë, raporton The Jerusalem Post.

“Qëndrimi ynë mbetet i vendosur dhe i pandryshuar. Unë i kam kundërshtuar këto përpjekje për dekada me rradhë dhe nuk kam nevojë për përforcime apo leksione nga askush”, tha Netanyahu.

Ai shtoi se Gaza do të çmilitarizohet dhe se Hamasi do të eliminohet, duke bërë të qartë se ky është qëndrimi i qeverisë së tij në çdo plan të mundshëm ndërkombëtar, përfshirë kornizën 20-pikëshe të SHBA-së.

Deklarata e tij erdhi pas kritikave nga politikanë të ekstremit të djathtë dhe pasi disa shtete, përfshirë SHBA, Katar, Egjipt, Emiratet e Bashkuara Arabe, Arabia Saudite, Indonezi, Pakistan, Jordaninë dhe Turqinë, lëshuan një deklaratë të përbashkët mbështetëse për një rezolutë të Këshillit të Sigurimit të OKB-së, që ofron një rrugë drejt vetëvendosjes dhe shtetësisë palestineze.