Jazidët, varrosen viktimat e ISIS

Komuniteti i jazidëve në Irak ka prehur në dheun e vet mbi 100 pjesëtarë të vrarë nga Shteti Islamik.

Eshtrat e 104 burrave më parë u zbuluan në një varr masiv të groposur që prej gushtit të vitit 2014.

Me mijëra të tjerë u skllavëruan atëkohë, ndërsa gratë u përdhunuan apo u robëruan në Siri nga grupi fundamentalist.

Rreth 2 mijë fëmijë të rrëmbyer në atë periudhë mësohet se vuajnë ende nga probleme të shëndetit fizik dhe mendor.

Kombet e Bashkuara thonë se ndaj popullsisë me shumicë kurde u krye gjenocid pse praktikonin një formë të besimit që xhihadistët mendojnë se bie ndesh me doktrinën e islamit.

Pas ofensivës së ISIS-it në 2014-n, besohet se nga gjysmë milionë jazidë që jetonin në Irak u detyruan të arratisen nga vendi.

Edhe pse SHBA-ja deklaroi dy vite më parë për fitoren e betejës ndaj grupit xhihadist, sipas agjencisë së OKB-së kundër terrorizmit, të paktën 10 mijë luftëtarë ithtarë të Shtetit Islamik operojnë ende në mënyrë të fshehtë në Irak dhe në Siri.