Jeruzalemi në ”luftë”, sulme me raketa. 24 viktima mes tyre 9 fëmijë

Në Jeruzalem nuk ka qetësi, aty ku sa më shumë kalojnë orët, aq më shumë tensionohet situata. Gjatë orëve të mbrëmjes mes militantëve të Hamasit në Rripin e Gazës dhe ushtrisë Izrarelite u shkëmbyen disa raketa. Si pasojë e të cilëve humbën jetën 24 palestinezë mes të cilëve 9 fëmijë.

Udhëheqësit e Hamasit kërcënuan se do të sulmojnë përsëri, pasi qindra palestinezë u plagosën më herët në përleshje me policinë izraelite. Që nga fillimi i tensioneve të paktën 700 persona janë lënduar.

Fillimisht kërcënimi izraelit për të zhvendosur të paktën 20 familje nga shtëpitë e e tyre prej 60 vitesh nxiti përplasjet mes palëve. Përplasje që nga dita e parë e fillimit të Ramazanit, 29 ditë më parë janë tensionuar ndjeshëm orë pas ore.

Një muaj më parë, policia vendosi të rrethonte sheshin para portës së Damaskut me hekura për të bërë të pamundur grumbullimin e palestinezëve atje, duke rritur ndjeshëm pakënaqësitë.

Qeveria është përpjekur të minimizojë tensionet duke hequr barrierat. Gjykata e Lartë ka shtyrë vendimin për dëbimin e mundshëm nga shtëpitë të familjeve palestineze, por sërish kjo nuk ka qetësuar situatën.