Presidenti i SHBA-ve, Joe Biden ka zbuluar arsyet se përse kandidoi për kreun e Shtëpisë së Bardhë.
Me anë të një postimi në rrjetet sociale, Biden thotë se tre kanë qenë arsyet:
“Për të rikthyer shpirtin dhe dinjitetin e vendit tonë. Për të rindërtuar ekonominë tonë. Dhe për të ndihmuar në bashkimin e vendit tonë”, shkruan Joe Biden.
Më tej ai e mbyll postimin duke thënë: “Jemi në rrugën e duhur, por ka ende punë për të bërë”.
Joe Biden është president i 46-të i Shteteve të Bashkuara të Amerikës.
Ai mposhti në një garë të ngushtë dhe mjaft të diskutuar presidentin, Donald Trump, i cili edhe sot nuk i ka pranuar rezultatet zgjedhore për president.