Kancelari gjerman takon presidentin: Nuk japim armë vdekjeprurëse për Ukrainën

Takimi i kancelarit gjerman Olaf Scholz me presidentin e Ukrainës, Volodymyr Zelensky shkoi plotësisht siç pritej. Nuk do të ketë armë vdekjeprurëse gjermane për Ukrainën, por do të ketë para.

Gjatë takimit Scholz theksoi se vendi i tij është donatori më i madh në botë i mbështetjes financiare për Ukrainën dhe ai u zotua të përshpejtojë disa pagesa.

Ndërsa Zelensky konfirmoi ambicien e vazhdueshme të vendit të tij për t’u bashkuar me NATO-n, Scholz u çudit me zë të lartë për shqetësimin e Vladimir Putin për një skenar të tillë, duke pasur parasysh se plane të tilla, sipas tij, “aktualisht nuk janë në axhendë”. A është kjo diçka që ai do ta përsërisë nesër në Kremlin?