Kartelet meksikane të drogës kalojnë në një tjetër nivel, përdorin “dronë shpërthyes” për të sulmuar policinë (Detaje nga sulmet e fundit)

Dy oficerë policie u plagosën në shtetin perëndimor të Michoacán të martën kur pajisjet eksplozive u hodhën mbi ta nga dronët.

Dhe zyrtarët mendojnë se karteli i fuqishëm “Jalisco New Generation” (CJNG) qëndron pas sulmit, shkruan BBC, përcjell Telegrafi.

Siç thuhet më tej, në gusht, dy dronë të manipuluar u gjetën në makinën e anëtarëve të dyshuar të CJNG.

Kështu, vlerësohet se dronët mendohet të jenë armët e fundit në një luftë vdekjeprurëse midis kartelit të drogës dhe forcave të sigurisë dhe atyre që kundërshtojnë ato.

Çfarë ndodhi në sulmin e fundit?

Në sulmin e së martës, mediat lokale kanë thënë se ishin përdorur dy dronë.

Besohet se ata ishin manipuluar në një mënyrë të ngjashme me dy dronët që u gjetën në bagazhin e makinës të anëtarëve të dyshuar të kartelit.

Ekspertët thanë se ata ishin vendosur që të shpërtheheshin në distancë dhe mund të kishin shkaktuar dëme vdekjeprurëse.

Oficerët e plagosur të martën thuhet se ishin vendosur për të pastruar rrugët që çonin në qytetin Aguililla, në Michoacán, të cilat ishin bllokuar nga karteli për të penguar hyrjen e forcave të sigurisë.

Ndërkohë gjatë javëve të kaluara, qindra banorë janë larguar nga qyteti me frikë ndërsa CJNG dhe një grup rival që e quan veten Kartelet e Bashkuara (Cárteles Unidos), luftojnë për kontrollin e qytetit.

Në fillim të këtij muaji, tetë trupa të gjymtuar u gjetën në zonë pas një beteje veçanërisht vdekjeprurëse midis dy grupeve.

Aguililla është vendlindja e udhëheqësit të CJNG Nemesio Oseguera Cervantes, i njohur gjithashtu si “El Mencho”.

“El Mencho” është një nga njerëzit më të kërkuar të Meksikës dhe Administrata e Zbatimit të Drogës në SHBA po ofron një shpërblim prej 10 milionë dollarë për informacionin që çon në kapjen e tij.

Karteli i tij është një nga më të fuqishmit në vend dhe ka qenë pas disa prej sulmeve më vdekjeprurëse ndaj forcave të sigurimit meksikan, të tilla si një pritë në 2015 në Jalisco që la të vrarë 15 oficerë.