Katalonia voton pro pavarësisë
Bota E Diel, 9 Nëntor 2014 23:00
Katalanasit filluan dje votimin simbolik për pavarësinë e rajonit, votim që nuk ka vlerë ligjore, pasi është hedhur poshtë nga Gjykata Kushtetuese e vendit. Qendrat e votimit u hapën në orën 09:00 në të gjithë rajonin, përfshirë Barcelonën.
Votuesit në këto qendra iu përgjigjen dy pyetjeve të fletës së votimit ”A doni që Katalonia të jetë shtet?” dhe ”A doni që ajo të jetë e pavarur?”.
Kreu i Katalonias Artur Mas, përshëndeti zgjedhjet, dhe i cilësoi ato një sukses i madh, që do t’i hapë rrugën një referendumi formal.
Zëvendëspresidenti Joana Ortega, tha se më shumë se dy milionë njerëz kishin marrë pjesë në këto zgjedhje dhe se pothuajse nga të gjitha votat e numëruara, 80,72% u ishin përgjigjur me “po” të dyja pyetjeve.
