Kërcënohet hapur aktivistja, një arkivol i zi i dërgohet në banesë: Njerëzit më dërgonin foto

Familja e krimit Casamonica që vepron në Romë dhe rreth saj, është fajësuar për një arkivol të zi që u la para shtëpisë së një aktivisteje. Tiziana Ronzio është presidente e grupit anti-mafia Toripiubella, e quajtur sipas lagjes ”Tor Bella Monaca” ku ishin vendosur vilat kryesore familjare të Casamonica derisa u shkatërruan nga qyteti në 2018 dhe 2019. Arkivoli u gjet të dielën jashtë banesës së Ronzios në Romë në lagjen ”Tor Bella Monaca”.

Ronzio tha se ajo e kishte parë arkivolin dhe se njerëzit i kishin dërguar asaj fotot, por ajo nuk e kuptoi se ishte menduar si një kërcënim për të derisa detajet e saj të sigurisë e informuan atë. “Nuk kam frikë, po eci përpara”, tha Ronzio për mediat lokale. ”Këto janë gjeste që na bëjnë edhe më të zemëruar dhe dëshirojmë të luftojmë”.

Policia e Romës thotë se arkivoli po ekzaminohet për gjurmët e gishtërinjve. Toripiubella, grupi i Ronzios, i tha CNN se ata nuk do të bënin një deklaratë publike pasi hetimi është në vazhdim. Ronzio ka denoncuar disa anëtarë të klanit në të kaluarën.