Këshilltari i Trump: Hillary Clinton duhet të pushkatohet

Njëri nga këshilltarët e Donald Trump për çështjet e veteranëve ka pohuar se Hillary Clinton të pushkatohet për tradhti.

Al Baldasaro, përfaqësues dhe delegat i të nominuarit republikan për shtetin New Hampshire, i bëri këto komente gjatë një interviste për emisionin e radios “The Kuhner Report”, raporton ‘Huffingtonpost’.

“Hillary Clinton është një turp për gënjeshtrat që ua ka thënë nënave për fëmijët e tyre të cilët u vranë në Bengazi. Ajo duhet të vendoset në vijën e pushkatimit dhe të vritet për tradhti,” tha Baldasaro.