Kina mbyll palestrat dhe pishinat, frikë nga një valë e dytë Koronavirusi

Ky vendim ka ardhur pasi qeveria karantinoi një qytet jo larg kufirit me Rusinë në veri-perëndim të Kinës. Krahina e Shaanxi, me popullsi prej 10 milion banorë, raportoi se shtatë raste të reja janë importuar në vend.

Të gjithë njerëzit e infektuar në Shaanxi ishin kthyer kohët e fundit nga Rusia. Shtetasve të huaj u është ndaluar hyrja në vend që nga 28 marsi.

Njerëzve që kthehen në Kinë u është urdhëruar të karantinohen, dhe kontrollet e rrepta kufitare janë rivendosur gjithashtu.

Palestrave dhe pishinave gjithashtu u është kërkuar të mbyllin dyert e tyre për shkak të frikës se një valë e dytë e virusit mund të jetë edhe më shkatërruese dhe e rrezikshme se e para.

Këto masa të fundit vijnë kur Kina përpiqet të rihapë ekonominë, me krizën më të keqe të vendit që mendohet të ketë kaluar ndonjëherë. Kina ishte epiqendra e virusit kur filloi të përhapet në fund të dhjetorit të vitit të kaluar.

Deri më tani, qeveria kineze ka thënë se numri i përgjithshëm i të prekurve nga Covid-19 në vend është 82.816, ndërsa numri i viktimave mbetet në 4,632, dhe asnjë vdekje e re nuk u regjistrua në 24 prill.

Në Kinë, maskat në fytyrë dhe kontrollet e temperaturës janë gjithashtu të detyrueshme. Njerëzit gjithashtu duhet të përdorin një aplikacion shëndetësor të qeverisë, përpara se të hyjnë në ambientet publike.