Në 24 orët e fundit, në SHBA janë regjistruar 66,882 raste të reja me koronavirus. Kështu, vendi i tejkalon tashmë 9 milion të infektuar me koronavirus sipas gjurmuesit të universitetit Johns Hopkins.
Numri total i të infektuarve në SHBA është 9,007,298, bilanci më i lartë në botë i ndjekur nga India me 8 milion të infektuar dhe Brazili me 5.4 milion raste.
Po ashtu, Shtetet e Bashkuara të Amerikës kanë edhe bilancin më negativ të vdekjeve në botë.
Që nga fillimi i pandemisë e deri më tani, e kanë humbur betejën me sëmundjen 229,000 persona, 665 prej të cilëve u regjistruan në 24 orët e fundit.
Të shëruarit janë 6 milion kurse rastet aktive 3 milion.