Koronavirusi, 345 viktima të tjera në Itali. Kina si feniksi-rihapen disa shkolla. Macron: Jemi në luftë! Gjermania bllokon gjithçka, Spanja në alarm

“Jemi në luftë”. Në orën tetë në mbrëmje, në TV live, presidenti francez Emmanuel Macron përdori fjalë të të forta për të përshkruar emergjencën shëndetësore nga koronavirusi.

Një ditë pasi vendosi, pavarësisht gjithçkaje, për t’i mbajtur të hapura kutitë e votimit për zgjedhjet bashkiake, me turmat pariziane që shëtisnin përgjatë brigjeve të lumit Seine, presidenti francez e kuptoi më në fund se ajo që po luftohet prej ditësh në Itali dhe, më shumë së fundmi në Spanjë, nuk është një betejë vetëm kombëtare, por një luftë që përfshin të gjithë Europën. Dhe kështu ai vendosi të urdhërojë bashkëqytetarët e tij të qëndrojnë Brenda në shtëpi pasi vetëm bllokimi i bar-kafeneve nuk ishte më i mjaftueshëm.

Si dhe në shumë vende europiane presidenti Macron ftoi francezët të dalin nga shtëpitë vetëm për arsye shëndetësore dhe për furnizime me ushqime.

Sipas masave qeveritare francize, ushtria do të vëzhgojë lëvizjet e qytetarëve në rajonin e Ile de France dhe në Grand Est.

Një vendim ky i ardhur pas masave dragoniane të Romës zyrtare dhe Madridit. Edhe Brukseli mori vendimin për të ndaluar të gjithë qytetarët që jetojnë jashtë BE të hyjnë në territorin e Unionit, vendim i cili u mor presionin e Emmanuel Macron.

Panik në Francë.

Stacionet hekurudhore në Paris u sulmuan sot në mëngjes nga ata që duan të largohen nga qyteti në funksion të afatit prej 12 orësh të caktuar nga qeveria si pjesë e masave radikale të ndërmarra në tentative për tu përballur me përhapjen e epidemisë nga koronavirusi

Koronavirusi në Wuhan

Në 24 orët e fundit Kina ka regjistruar vetëm një rast të ri infektimi në Ëuhan, epiqendra e shpërthimit të epidemisë.
Sipas azhornimeve nga Komisioni Kombëtar i Shëndetit (NHC), dje janë regjstruar 13 viktima nga Covid-19, përfshirë 12 në provincën e Hubei, ku Ëuhan është kryeqyteti, dhe një në atë të Shaanxi. Gjithashtu, në gjithë territorin ka patur edhe 142 raste të rikthimit të infeksionit.

Koreja e Jugut ka miratuar masa të reja shtrënguese për t’u përballur me përhapjen e epidemisë teksa në vend në 24 orët e fundit janë regjistruar 84 raste të reja të koronavirusit që e kanë rritur totalin e të prekurve në 8320 kurse numri i viktimave është rritur me 81. Gjithsesi prej rreth një jave tendenca e numrit të vdekjeve është nën 100.

Kina si feniks po përpiqet të rilindë nga hiri i saj, rihapen disa shkolla

Asgjë nuk do të jetë si koha para infeksionit të koronavirusit, por Kina si feniks po përpiqet të rilindë nga hiri i saj, ngadalë.

Mbi 3.500 mjekë tashmë janë larguar nga rajoni i Hubei, teksa në qytetin e Wuhan sot u regjistrua vetëm një rast i ri i infektuar. Mes mijëra masave paraprake të kujdesit, sot në Wuhan disa shkolla hapën dyert e tyre për fëmijët.

Edhe në Guizhou, në juglindje të vendit, janë rihapur shkollat e të gjitha niveleve.

Si masë emergjence epidemike numri i studentëve dhe nxënësve në klasa është reduktuar si dhe janë vendosur në koridoret e shkollave termometra me rreze infra të kuqe për të kontrolluar temperaturën e nxënësve.

Çdo nxënës është i detyruar të vendosë deri dy maska gjatë orarit të shkollës, duke i alternuar çdo tre orë.

Të gjitha klasat dhe terrotori I shkollave dezinfektohet çdo ditë. Gjithsesi frika është ende prezente.