Koronavirusi në Serbi, 114 raste të reja dhe asnjë viktimë në 24 orë

Serbia vijon të shënojë bilance në ulje në lidhje viktimat dhe të të infektuarve nga COVID-19.

Gjatë 24 orëve të fundit u regjistruan 114 raste të reja nga 6,196 teste të bëra duke e çuar numrin total të të infektuarve në 9,791.

Ndërsa ditën e sotme nuk u raportua asnjë viktimë duke i lënë shifrat në 200 të vdekur.

Zëvendës drejtoresha e institutit shëndetësor Batut, Darija Kisic deklaroi se aktualisht të shtruar në spitale janë 1,750 pacientë 48 prej të cilëve janë të intubuar.