Koronavirusi, sipermarrësi italian u rrit pagat punonjësve, levron fondin 2 milion euro
Mbreti i makaronave të frekëta në Itali i markës së njohur Rana, sipërmarrësi Giovanni Rana ka deklaruar sot se kompania e tij ka aktivizuar një plan të jashtëzakonshëm për rritjen e pagave të punonjësve të tij që po punojnë pa u ndalur në këtë moment kur i gjithë vendi është ndaluar nga masat e rrepta për ndalimin e përhapjes së pandemisë COVID -19 në vend.
Presidenti i markës made in Italy “Rana” ka deklaruar se ky plan ka parashikuar një fond prej 2 milionë euro duke shtuar me 23% pagat mujore të 700 punonjësve të tij që punojnë në 5 stabilimentet e tij në të gjithë territorin italian.
Gjithashtu dhe për punonjësit me fëmijë të vegjël firma”Rana” ka parashikuar një bonus 400 euro për të paguar babysitter .
Ky shpërblim ndaj punonjësve do t’i shtohet dhe kontributit të parashikuar nga shteti për të gjithë punonjësit që vazhdojnë punën pa ndërprerë e që do të marrin 100 euro shtesë në pagë si dhe një bonus prej 600 euro për babysitter.
