Kosova në NATO? Vuçiç: Do të luftojmë që ta parandalojmë

Një anëtarësim i mundshëm i Kosovës në NATO do të jetë një mision i vështirë. Presidenti serb Aleksandar Vuçiç ka deklaruar se do të luftojnë kundër përpjekjeve për të integruar Prishtinën në NATO dhe shprehu shpresën se kjo nuk do të ndodhë, duke kujtuar se aleanca ushtarake përfshin katër anëtarë që nuk e kanë njohur pavarësinë e Kosovës. ”Mos harroni se ka katër vende që janë anëtare të NATO-s, si pesë anëtarë të BE-së, që nuk e kanë njohur Kosovën. Nuk e shoh se si kjo mund të shkojë lehtë, por le të presim e të shohim”, u tha Vuçiç gazetarëve në Pançevë.