Kriza e Katalonjës, Spanja pritet të marrë kontrollin e institucioneve rajonale

Spanja është gati të ndërmarrë masat për të kontrolluar në mënyrë të drejtpërdrejtë Katalonjën, në përgjigje të shpalljes së pavarësisë nga rajoni javën e kaluar.

Të premten, Madridi i hoqi autonominë Katalonjës dhe shkarkoi liderin rajonal Karles Pudzdemon si dhe të tjerë zyrtarë të lartë. Lëvizja e përkohshme do të sjellë zëvëndësimin e 150 ministrave rajonalë, edhe pse disa kanë premtuar se nuk do të shkëputen nga puna.

Në rast se nuk pranojnë të tërhiqen, zoti Pudzdemon dhe të tjerë zyrtarë katalanas mund të përballen me akuza kriminale që përfshijnë edhe rebelimin, dënimi maksimal për të cilin është 30 vite burg.

Ka gjasa që një lëvizje e tillë të nxisë një valë të re protestash në Katalonjë.